學友歌神失聰發忟憎

20場「張學友1/2世紀演唱會」前晚舉行尾場演出，吸引袁詠儀和張智霖夫婦拍拖捧場，學友的精彩演出令全晚氣氛熱爆，怎知原來甫開場卻發生耳機失靈事件，學友在尾聲才自爆：「開場時發生咗小故障，用咗好多時間修正，耳機完全聽唔到嘢，一個聾咗嘅人點唱歌！」

完騷後，學友在慶功宴上透露詳情：「耳機壞咗，臨出場之前完全聽唔到自己把聲，音樂又細聲，好驚！隊band拖到無可再拖，惟有照唱，好辛苦好忟憎，激死我！」不過身為歌神的學友，在無聲下仍唱出零瑕疵，完全冇甩嘴，他笑說：「可能熟啲歌。」

學友在慶功宴上表演軟骨功。

張學友在耳機失靈下仍唱出水準，果然是歌神。

自爆唔等錢使

演出成功的學友，在慶功宴上還表演軟骨功，笑說：「我除咗識一字馬之外，仲識摺埋。」即將上身貼實雙腳，技驚四座。

完成香港站演出的學友，稍事休息將繼續巡唱，目前共接了過百場演出，他希望明年5月尾站可返港舉行，不過為了遷就原本的舞台，可能改在亞洲國際博覽館舉行，據知學友每場歌酬高達100萬，估計過百場賺逾億，問是否已彌補了當年雷曼損失？學友笑說：「冇計、冇諗、冇理，唔係等錢使。（有冇信心打破上次105場紀錄？）有信心，但自己唔係想破紀錄，只係鍾意呢個騷。」

採訪：音樂組