任收身代言人 陳嘉桓瘦七磅
陳嘉桓最近以六位數字酬勞，為王賢誌三皇集團旗下的「當糖輕．當堂瘦」瘦身產品擔任代言人。昨日她於柴灣拍攝廣告硬照，更找來本地時裝設計師何國鉦設計造型，分別以便服、泳衣及晚裝三個造型示人，身穿晚裝裙的她騷胸又騷腿，她說︰「我試咗個幾月就瘦咗六、七磅。（有冇瘦胸?）上圍都瘦埋。（使唔使買過啲bra?）唔使，因為夏天我鍾意着運動型款式嘅bra。」
問到會否向即將開演唱會的緋聞男友林峯推介產品？陳嘉桓說︰「佢咁弗都唔使啦！」其後記者問她有否與對方聯絡，她尷尬回應︰「唔使聯絡。（因為係敏感期?）我自己忙到好多朋友都冇聯絡，想食飯都唔得！希望人哋會留意我工作。」問到與林峯是否朋友時，她則說︰「係工作拍檔，冇話計唔計係朋友。」
