人人做老闆陳嘉桓心太軟

有說工字不出頭，如果花心思及以個人創意去創業，往往理想達到，財源滾滾來。雖然不少名人明星不愁衣食，但他們也有做老闆的夢想，並獨具慧眼有其發達秘笈。

陳嘉桓：「我好鍾意整甜品，拿手整心太軟，或者我開間舖頭專賣心太軟同其他甜品，好多女仔一年四季都鍾意食甜品，相信呢門生意有得做。我自家製嘅心太軟做得好，仲可以攞埋專利權！」

Mandy Lieu：「我想開二手衫店，依家男男女女都喜歡扮靚買衫，但着完一季就唔着會好嘥，二手店有環保意義。」

Alice B.：「我想開間花店crossover咖啡店，因為花同咖啡都係令人減壓，但我想返英國搞，有屋企人睇住會好啲。」

顧婭棋：「有諗過幾年後同朋友夾份開模特兒廣告製作公司，話晒自己做呢行，知道整個行業運作，拍廣告時又會學到好多嘢，同時我又想賣女人嘢如護膚品或美容服務。」

姚予晴：「我未試過做生意，但我會儲一舊錢去買基金或買樓，買樓後又可以收租，磚頭會保值啲。」

Jocelyn Luko：「我同老公打算開間以健康為主題嘅公司，因為港人太大壓力，心靈空虛，希望可以幫到人更健康。」

姚予晴	Jocelyn Luko

陳嘉容：「我會賣扮靚知識同生活態度，例如會賣女士喜歡嘅精品或美容護膚品，開啲course教人扮靚。」

戴妮廷：「我鍾意影相，將來有機會想做關於攝影例如賣相機、相架等生意，又或者賣一啲令攝影效果更好嘅product，哈，不過我都係識少少扮代表！」

林熙蕾：「我老公做成衣生意嘅，其實我哋兩個研究緊點樣合作，都係以賣衫為主，遲啲會公布。」

人人做老闆 陳嘉桓心太軟