Rosemary花招盡出冧爆Julie媽
經歷了涉毒、父母離婚及母親患病，名模Rosemary與母親Julie的感情增進了一大步，母女以愛相待；藉着母親節，Rosemary為媽媽炮製了連串驚喜，讓媽咪有個溫馨難忘的母親節，並深情說句：「媽媽，I love you。」
去年尾Rosemary在美國涉吸毒，擾攘半年案件終完結，期間爆出母親Julie患病及離婚消息，Rosemary整個人生一下子陷入低潮，幸事過境遷，母女倆感情更勝從前。
美食靚車加禮物
今天趁着母親節，Rosemary特別為媽咪預備了連串慶祝活動，先到BETTYS Kitschen品嘗美食，再到Carat揀選首飾及Violette購買手錶，又到Edible Arrangements送上生果製的花籃以及到Bliss Spa享受浸浴按摩，期間更不惜出動瑪莎拉蒂跑車接載母親，免Julie媽舟車勞頓，Rosemary說：「我知道媽咪鍾意首飾，佢鍾意親都幾貴，不過我都會送畀佢，希望佢過得開心！」
身患免疫系統疾病的Julie，因宗教關係以及經歷種種問題，對母女二人的關係有了新的體會：「依家睇每一件事都係用愛去出發，我亦唔會再埋怨個女以前點樣對我，事實我哋曾經有段時間真係溝通得唔好，有啲拗撬，但經過咁多事之後，覺得個女大個咗，佢依家都做好多公益工作，希望佢可以帶多啲正面訊息出嚟。」
要「踢」個女入會
Julie笑言現與女兒亦師亦友，閒時最愛「踢」女兒入會：「我希望佢可以認識上帝，我成日都講神嘅奇妙畀佢知，希望吸引佢同我一齊返教會。」血濃於水，走過幽谷之後，相信母女倆的愛會更加鞏固。
文：Ada Lam 攝影：劉智源