發哥瀋陽剪綵時薪600萬
香港土產巨星周潤發號召力多年持續高企，昨日為瀋陽某品牌剪綵，發哥獲私人飛機接送之餘，時薪更高達600萬港元，身價相當驚人！
周潤發夫婦昨日獲品牌安排私人飛機送抵瀋陽出席剪綵活動，首次赴瀋陽的發哥令到街道大塞車，不少司機干脆將車輛停在路邊等睇巨星風采，工作人員不得不臨時加強保安維持秩序。
發哥和發嫂下午兩點乘私人飛機，三時半抵達瀋陽，四時正式出席活動，逗留一小時至五時便匆匆離開，據知短短一小時活動，發哥酬金高達500萬人民幣（折合港幣約598萬），時薪高得令人咋舌。
傾足一年見誠意
對於超高時薪，發哥哈哈大笑說：「錢嘅嘢要問番周太喎！」發嫂也懶得正面回答，她說：「錢嘅嘢梗係保密，對方好有誠意，我哋傾咗足足一年，最初話喺北京剪綵，但發哥真係冇期，今次有期就要嚟瀋陽，因為我哋真係好趕，所以佢哋好好，安排埋私人飛機接送。」發哥亦說：「係喎！要佢哋開到第五間先有期，（出席今次活動有咩感覺？）好趕、好快、氹氹轉囉，五點半又要上飛機。」
獲頒「榮譽巿民」
發哥亮相瀋陽更獲頒「榮譽巿民」，他在台上搞笑地對熱情的巿民說：「別着急了，我們馬上就是鄰居了！」他笑說對瀋陽最大印象是趙本山，大讚對方戲演得好，只可惜今次時間匆忙，未能欣賞對方的《二人轉》。
發哥表示希望下次再到瀋陽好好觀賞風景，問到獲頒獎項，他笑說：「都開心嘅，但今日巿長好忙，要開會，可能要遲吓先補頒畀我。」與發哥同場的還有吳辰君數位女明星，吳辰君在活動後於微博大讚發哥迷死人的招牌笑容，令到現場氣氛很瘋狂。
文：影視組