襯墟

Fit爆絕配

Jocelyn同佢老公Anthony係最襯一對，唔係因為我幫番Model，事實係佢哋擁有模特兒身形，着衫一定比普通人好睇，佢哋嘅色tone係黑色，Jocelyn識得着紅鞋，整個造型明亮晒，冇咁沉悶。

自信十足

謝霆鋒同張栢芝係圈中公認嘅恩愛夫妻，不過着衫方面霆鋒就可以改進一啲，佢着涼鞋其實好有自信，因為男人嘅腳趾一定唔靚，佢應該着番對皮鞋會襯啲。

郎才女貌

謝婷婷一身打扮比較搶眼，不過女仔搶眼過男仔都正常，安志杰如果着番一件橙色恤衫就會更加襯。

謝霆鋒、張栢芝

謝婷婷、安志杰

平淡是福

方力申同鄧麗欣就冇乜特別，算係幾平淡，顏色上都好襯，整體不過不失，一身衣着都適合佢哋嘅年齡同身份。

形如姊弟

張智霖同靚靚今次件衫唔多襯，因為張智霖件衫比較young，佢應該着得成熟番少少，佢嘅打扮比較適合廿幾歲嘅後生仔，條褲嘅cutting反而遮掩咗佢高大又靚嘅身材。

方力申、鄧麗欣

張智霖、袁詠儀

藍色戀人

情侶裝好多時只要色襯就可以，千祈唔好着埋同一樣嘅衫。杜汶澤同佢太太都係藍色，睇落去順眼自然。

男女平等

甄子丹同汪詩詩一身衣着當然好襯，雙方都咁sharp唔會互搶鏡。雖然女高過男，但男人有腦有內在就OK，如果男士介意女伴太高，可以用隱形鞋墊，或叫女伴唔好着高踭鞋。

田蕊妮、杜汶澤

汪詩詩、甄子丹

衫評人Profile

名模陳嘉容縱橫時裝界十多年，多年來除與不同國際時裝品牌合作，又身兼不同品牌代言人外，曾拍電影、出書、教形象、擔任電視節目主持人，早前擔任《潮拜教室》主持，品評圈中人衣着。