鄭嘉穎拳拳到肉卸得就卸

嘉穎、黃浩然與港男陳志健昨日在東區法院為新劇《拳王》開工，烈日當空下眾人身水身汗，嘉穎要以凍飲解暑。談到該劇不乏打拳鏡頭，嘉穎說日內將正式拍攝，為了應付連場動作，拍前已接受體能訓練，因向來有做運動習慣，故不擔心體力問題。

先問陳豪攞料

早前與陳豪到新加坡宣傳，嘉穎亦有趁機與對方交流：「陳豪同泰國拳手拍過戲，佢話就算對方就力，都會好大力，擋幾吓都暈暈哋，咁我都有同真拳手對打過，佢哋唔係用真力，只係用咗七成已經幾堅，真係暈架！冇法啦。（有冇受傷？）瘀傷好平常，只要你個架做得好就問題唔大。」

左起：黃浩然、鄭嘉穎等昨日在東區為新劇拍外景。

黃浩然邊湊B邊拍劇，大嘆好攰。

古裝人脷疊脷

談到劇集《洪武三十二》被指內容意識不良，嘉穎指古裝劇的確少濕吻場面，但也要視乎劇情有否需要以激情來交代：「咁都唔知古裝人會唔會脷疊脷錫架，時裝劇就話有啫！」對於同劇演員陳志健承認與羅樂林女兒羅苡之拍拖，他說母親節當日會相約苡之母親飯局慶祝，更指公開戀情未感壓力，一切會以平常心面對，在旁的浩然卻鬼馬表示一早得悉他倆相戀，還大讚志健乖仔，叮囑他好好對女友 。

文：影視組