江若琳公園「遇襲」阿牛直擊

香港藝人江若琳到了新加坡，與馬來西亞歌手阿牛合作拍攝新片《結婚那件事》，由於當地天氣酷熱兼要經常外景，令他們苦不堪言。其中一場戲二人需要在公園取景，豈料公園蚊患嚴重，江若琳飽受「蚊叮」之苦，最後成為了牠們的午餐，手、腳合共被叮了數十粒蚊瘌。

忍痕忍笑難度高

江若琳說：「事前工作人員已經安排蚊貼畀我、噴晒蚊怕水，又畀埋風扇趕蚊，點知都冇用。我最擔心係針到塊臉，點知嘴唇真係中招，仲即時紅腫起嚟。好在助手有藥搽咗立即消腫，否則就連唔到戲。」

受蚊襲的江若琳笑言拍攝難度大大提升：「我做戲又唔可以𢱑，阿牛又成日喺片場搞笑，忍笑之餘又要忍痕，真係演技大挑戰。唔明白阿牛點解唔會畀蚊針，佢仲拎部相機出嚟影低我忍痕個樣，真係尷尬。」

阿牛喜歡拍照，影完江若琳的「忍樣」即場分享。

江若琳與阿牛首次合作，大讚對方友善又幽默。

用心良苦搞氣氛

雖然如此，她表示與阿牛合作十分開心，覺得對方友善又懂搞氣氛，最後江若琳發現阿牛不停講笑話，是希望分散她的注意力，好讓她忘記痕癢，真是用心良苦。

文：影視組