洪卓立遭同性索吻嚇到彈開

洪卓立近日忙為新碟錄音及出席活動，故經常要到髮型屋整頭，日前他就被樂隊Hardpack成員Kevin，及扮演髮型學徒的樂隊「Tonick」成員恒仔夾計整蠱。Ken不虞有詐，洗頭時還放心讓恒仔洗頭，豈料被刻意「洗面」，不過Ken並無動怒，反而語帶安撫：「唔使緊張，慢慢嚟！」

之後恒仔向Ken自稱是其忠實粉絲，又準備了多張Ken的CD叫他簽名，但鬼馬的恒仔早已混雜關智斌的CD，當Ken發現時便說：「呢隻CD唔係我嗰喎！」

恒仔不斷「撩」Ken交談，Ken仍禮貌回答；恒仔要求合照，Ken亦有求必應，恒仔此時竟捉實Ken手臂猖狂索吻，Ken本能反應避開，唱片公司人員亦上前阻止，現場氣氛頓時僵住，恒仔還大吵大鬧指自己「喜歡」Ken，Ken則好言相勸：「頭先已經影咗相。」惟恒仔仍表現失控，還變本加厲衝前攬實Ken，嚇到Ken面紅耳熱，不知所措，場面尷尬。

Ken得知被整蠱後，拍心口定驚。

放大圖片

影片任睇不介意

最後恒仔大叫一聲：「你已經被整蠱呀！」Ken才恍然大悟，而他被整蠱的場面早已被全程拍下，並會放上網站，他得悉後傻笑遮醜，並拍心口定驚，Ken笑說：「我嚟到嗰陣已經覺得唔妥，但又講唔出乜嘢唔妥，我都真係畀佢（恒仔）嚇親，第一次咁樣畀人整蠱，心情真係好複雜，同埋有陰影。（介意被玩及片段放上網站？）都唔介意嘅。」

採訪、攝影：專案組

場地：P.O.P@中環