楊愛瑾增糕勁3吋
楊愛瑾（Miki）日前以近七位數字擔任婚紗店代言人，大騷三吋事業線及白滑美腿，她承認為了美感特別加上「缽仔糕」，問到有否加速結婚的打算？她扁嘴說：「未有伴侶。」
Miki憑青春活力獲AF Elegance婚紗店垂青力邀做代言人，日前Miki拍攝新一輯廣告，搏到盡騷完三吋深事業線，又騷白滑玉背及長腿，問到是否加了「缽仔糕」？她笑住默認說：「做番最自然、平時正常着衫咁囉。」她承認最勁一次是墊了兩個「缽仔糕」：「谷到上頸自己都驚，好唔自然。（接受唔到警鐘胸？）觀賞角度係幾靚。」
親自設計婚紗
問到事前有否節食減肥？Miki說：「冇，反而要增磅狂食嘢，因為依家得九十幾磅，有肉地影婚紗先至靚。」隨即陰陰嘴說：「聽好多男仔講鍾意女仔有啲肉地。（有冇增到上圍？）應該增嘅地方都增晒。」穿上婚紗的Miki坦言加速結婚打算，她笑說：「明天就結，不過未搵到伴侶。」
Miki更獲老闆Angel給她設計機會，她說：「細細個已經對時裝好有興趣，今次老闆畀機會我去設計名為『Loving Yeung』系列，會將自己夢想嘅婚紗設計出嚟，希望有朝一日結婚時着到。（距離結婚仲好遠？）依家都未有伴侶。」
採訪：音樂組
髮型：Vince Pang@IL Colpo
化妝：Jessica Chan