高鈞賢玩即興星洲濕曬
無綫藝人高鈞賢（Matthew）早前與陳敏之、胡杏兒到新加坡作宣傳，雖然行程緊密，但他們總算有時間周圍遊玩，Matthew恰巧有朋友在那邊，結果就即時買了泳褲，到朋友所住的酒店游水，享受陽光。Matthew表示：「之前都去過新加坡，嗰次係睇F1賽車，今次就好在工作時間唔多，可同朋友聚聚，期間又同杏兒、敏之去食胡椒蟹，真係有口福。」
貴為第一屆香港先生冠軍的Matthew透露，日前已與一班香港先生齊齊拍攝宣傳片，他笑言：「佢哋好多都愈來愈大隻，我就愈來愈細隻，自己平時都只係打波，唔會練肌肉，（是否年紀最老？）咁又唔係喎！經驗我最老，年紀我反而最後生！」