鄧紫棋激發惡念變身黑天鵝

年紀輕輕就能踏上紅館，不過G.E.M.卻不認為年齡是一個問題，她說：「我嘅演唱會唔係在於我19歲，人哋唔會因為我19歲去釐定係咪一個Good Show。」將首個處女個唱命名為《Get Everybody Moving》，除了是「G.E.M.」名字的來源，亦是她想帶出的一個演出目標，G.E.M.說：「希望呢個個唱不只係娛樂，想令每個層面嘅人睇完都可以喺當中獲得一啲力量跳出框框，大膽啲去做自己想嘗試嘅嘢。」

雨夜捍衞自我

G.E.M.從來做事循規蹈矩，跟着既定路線，不過今次亦希望衝破框架，如電影中《黑天鵝》的主角，演繹自己黑天鵝一面。她說：「每次表演之前都會怕好多嘢，會唔會走音、跌倒，一路都喺安全嘅位置，一路都只係做一啲自己擅長嘅嘢，唔敢豁出去，力求完美嘅時候，遺失咗不完美嘅力量。」

那G.E.M.會否如台灣歌手范曉萱由乖乖女搖身一變成為紋身Rock友？她笑說：「不會紋身，因為怕痛，呢種改變可能係喺寫歌或者舞蹈上，唔介意做吓壞角色。」

這個改變方向，或多或少與其填詞作品《Good to be Bad》的內容相似，當中不少片段更是她親身經歷，她說：「試過夜晚同個朋友坐住摩托車，拎住自己畫嘅地圖，落住雨周圍去，感覺係去捍衞自己應該做嘅事，你可以問我身邊人係邊個，不過我唔會講啦。」

快將開處女個唱的G.E.M.，不想只做拿手的事情。

與林宥嘉的感情事，令G.E.M.談得疲累。

談林宥嘉疲累

經常於訪問中被提到與林宥嘉的緋聞與戀情，G.E.M.坦言有時候也會感到疲累，畢竟與音樂無關，她說：「作為一個歌手，我只係想同大家分享音樂，但都明白當中道理，所以私人事搵到就搵啦。」

採訪：陳寶

攝影：黃叔榮

場地：銅鑼灣LCX