DaDa恃靚行胸 趙哲妤當冇到
擁D級身材的陳靜（DaDa）下周將到上海為終極寫真取景，揚言只要靚可突破性感底線。豈料《2010中國小姐大賽》季軍趙哲妤亦加入寫真戰，大晒C Cup身材，更揚言不放DaDa在眼內！
DaDa為拍終極寫真，下周將飛往上海取景。曾揚言寫真以電影《黑天鵝》為藍本的她，想以高貴及誇張靚妝取勝，日前她約師妹Lillian到時裝店試造型。Lillian曾修讀時裝設計課程，由師妹搖身一變成為造型師，一手包辦DaDa的寫真衣着。
對於獲Lillian設計造型，DaDa說：「好信得過佢，成個人交晒畀佢。（因為信得過而突破性感底線？）總之佢揀咩，我都會着。接受裸背，其實只要成個構圖靚，唔介意性感。」
DaDa僅戴缽仔糕
Lillian在店內為DaDa挑了肉色透視露背裙，DaDa果然信賴師妹，僅戴缽仔糕上陣，效果亦絲毫不突兀，之後又穿低胸連身裙大騷「事業線」。當她試穿內衣時，外加透視開胸上衣，若隱若現，大玩高貴性感。
問Lillian可會為DaDa精挑大量性感內衣？她說：「一定有內衣同泳衣，不過今次以靚同高貴為主，所以會配合好多飾物，會用好多浮誇、復古頭飾。」兩女試身後還到街邊檔揀羽毛及珍珠，有意自製頭飾。
Uny中國選美出身
同樣今年會推出寫真的趙哲妤（Uny），昨日與王晶女兒王子涵出席內衣店開幕禮，Uny即場示範三套性感內衣，盡騷逼爆33C上圍。她透露今年會出寫真，底線是三點不露。問到會否視DaDa為勁敵？她說：「冇諗起佢！（驚唔驚C Cup身材唔夠對方D Cup勁？）我高啲，有43吋長腿，而且我選美出身。」似暗示自己比陳靜高貴。
同場的王子涵透露在英國讀化妝及髮型形象設計，有興趣在娛圈發展。她又為Uny設計造型，大讚對方骨架靚。
文：專案組
服裝：Pink Martini