樂基兒無意做億萬樓神
黎明嫂樂基兒（Gaile）昨日出席Neutrogena品牌發布會，連續四年成為該品牌的代言人，問酬金是否四級跳？她說：「總之有咁嘅收入好開心！」對於張栢芝豪擲1.28億買豪宅，問Gaile可會心郁郁做億萬樓神？她說：「我份人比較簡單，平時有做儲蓄和投資股票，不過只是細有細玩，並不會入肉。」問黎明（Leon）投資眼光是否比她好，她大讚老公：「一定係叻過我，我覺得佢好多嘢都叻過我！」她更透露黎明在大陸拍戲，比以前fit了許多。
席間，有一名途人以一身蔡楓華黑超look打扮踩場，並大唱黎明金曲，還獻飛吻給Gaile，Gaile表示沒被嚇怕：「可能佢係Leon粉絲，咪當佢藝術家囉！」
此外，Gaile表示會睇電視觀賞威廉王子大婚直播：「呢啲盛事唔係成日發生，係一個歷史同特別嘅一日！」