董敏莉貧血進補驅寒
董敏莉（Monie）近年工作不斷，除主持電視台飲食節目，又擔任活動司儀及拍廣告，雖然豬籠入水，但去年因疲勞過度而患貧血。Monie在朋友介紹下食中藥調理身體：「醫師話我個底好寒同濕，唔可以食寒涼嘅嘢，例如豆腐、白菜，好多水果亦唔食得。」
Monie表示現時食雲苓、白朮及阿膠補身：「主要袪濕，醫師叫我要多食飯同埋食紅肉，因為我血氣唔夠。其實食榴槤係最好，不過依家唔係當造。我亦都會食維他命C、葡萄籽精華同阿麻籽。」問到每月花多少錢買補品？Monie說：「其實唔多，一個月二、三千蚊，最緊要係身體健康。」