呂慧儀識飲識食浪漫有法
經常主持飲食節目的呂慧儀對食十分講究，最愛吃法國餐的她推介餐廳「Amuse Bouche」。自封「食神」的她最愛「黑松露菌手造意大利粉」，大讚意粉設計特別︰「意粉係意大利設計師設計，口感一流，加埋黑松露，真係好好味。但我唔可以食咁多，因為我好易會肥，惟有做多啲運動。」
最愛黑松露
食盡天下美食的慧儀雖然很愛吃黑松露，但因價錢昂貴比較少食，她說︰「黑松露好貴，平時唔捨得食。之前有朋友特登買嚟分享，我仲唔敢問佢價錢，費事知食緊啲好貴嘅嘢。」但她得知餐廳的黑松露只售二百多元，即大讚抵食，更一口氣食了五片。
慧儀又大讚食法國菜情調一流，問有否跟男友食法國菜？她說︰「冇呀，平時都係同成班朋友食。」她遺憾未試過被男士在法國餐廳示愛︰「未試過有男仔食法國菜同我示愛，因為都係成班朋友一齊食。不過如果第時有男友，好期待佢喺法國餐廳同我求婚，一定好浪漫。」
服裝︰BCBG
場地︰Amuse Bouche
攝︰司徒國榮