雷凱欣炒舊橋玩「失蹤」
雷凱欣早前忙為《３Ｄ肉蒲團之極樂寶鑑》宣傳，令她身心疲憊，加上近日的新聞影響心情，日前她知會電影公司與家人旅行後，只拋下一句「康城見」，便翻炒藍燕的「舊橋」玩失蹤，將缺席今日的旺角謝票活動及下月３日晚的「終極慶功宴」，令電影公司非常「頭痕」。
據悉片中女主角周防雪子及藍燕已先後返回日本及內地，故連串的宣傳活動沒有女將撐場，電影公司方面惟有退而求其次，找來唱主題曲的石詠莉及負責配音的Vienna撐大局，而電影公司一早為雷凱欣準備的「康城戰衣」亦已就緒，卻欠主角試身！
求證於電影公司宣傳部梁小姐，她淡然回應：「雷凱欣係請咗假，咁之前佢都幫我哋宣傳，搏到好盡，要休息吓都無可厚非。（佢幾時返？）呢層未知，佢話返到會打畀我哋。（康城試衫又點算？）都仲有十幾日，唔使咁急嘅。」