Bobby奉旨冧女好艷福
陳豪為發展其咖啡事業，要到馬來西亞為咖啡店看舖而辭演張乾文監製的新劇《樂府藏龍》，為此令劇集的故事與角色要重新改寫，並加入麥長青（麥包）擔任其中一角。
監製張乾文表示，由於角色、故事重新寫過，故影響一定有，他說：「我哋唔會推遲開劇，（會好趕？）趕啲囉！」說到角色轉了，演員歐陽震華（Bobby）會否有不滿？張監製說：「點會唔開心啫！佢飾演樂坊一名交樂師，依家加強咗感情線，Bobby會周旋於胡杏兒、鍾嘉欣等女仔當中。」
暫停接job
麥包指個多禮拜前才接到通知，細節還未傾，現時密密接job及登台的他表示，之前接落六月尾去多倫多登台，其餘的暫時都不會接，一來免開劇時令其他同事辛苦，二來亦不想自己太大壓力。麥包又透露原本要請假返大陸拍劇集搵真錢，現該劇延期至十一月才開拍，到時才去。
文：影視組