懷孕星媽執定走佬袋
除了蔡少芬臨盆在即外，圈中還有多位懷孕女星，對於前日有孕婦因來不及入醫院，由做醫生的丈夫為她在停車場即時接生，她們表示已為即將誕生的小寶貝做好準備。
歐倩怡
快將升任做第二任媽咪的歐倩怡：「一早準備好隨身袋，裏面有齊所有入院證明文件、醫生紙等，我連超聲波圖片都帶埋去，等醫生知道胎位係邊。」另外，她亦要準備產後必需用品，如餵哺母乳嘅胸圍、乳墊、產婦衞生巾等。
曹敏莉
曹敏莉：「今日睇完新聞都喺度諗，如果遇到咁嘅情況，我會第一時間打畀阿媽。雖然仲有一段時間先生，但係都已經一早執好晒『走佬袋』，有毛巾、睡衣、內衣、臍帶血盒，老公都好勤力咁刨緊ＢＢ書。」
陳倩揚
陳倩揚：「『走佬袋』一早執好晒，去醫院嘅路線因為去得多做檢查所以都好熟路，但朋友話到時最好唔好自己揸車，因為老公忙緊揸車就分唔到心照顧你。上堂都教最緊要放鬆心情，就算作動、見紅都未必咁快生得，要留意到時陣痛嘅情況。」
