陳法蓉撐加圍欄有理
蔡少芬將為人母，她的一班好友大為興奮，大讚她是美麗孕婦，更力撐她在裝修新居門外加上圍板和警告閒人免進字句沒有不妥。
陳法蓉：「據我所知圍欄係一般正常裝修工程外都需要有，等工程以外嘅人唔好入去免有意外受傷，（大肚仲做裝修工程唔怕忌諱？）我哋基督徒嚟嘛。Ada依家嘅情況好好，個肚籮咁大，但健步如飛又靚女，預產期幾時就等佢自己講，我只係提醒佢啲傳媒好神通廣大，叫咗佢帶定件靚衫出院。」
韓馬利：「雖然佢個肚已經好大，但佢都好乖，對上一次係兩個星期前見佢同老公張晉一齊返教會，張晉好錫佢、好照顧佢，而Ada佗得好輕盈，一啲都唔腫、好靚，（佢屋企門口圍晒圍欄，又貼上閒人免進，責任自負！）可能佢唔想人騷擾佢呢，希望大家畀個空間佢啦！」
王祖藍：「我對上見佢係幾個星期前，呢排我要拍劇，不見天日，都少咗見佢，佢個肚都愈來愈大，不過佢好精神，依然好靚，佢要當一個靚媽媽，着衫都仲好靚。」