張晉請定假陪坐月
蔡少芬（Ada）快將臨盆，為人夫兼將為人父的張晉，昨日接受記者訪問時，表現淡定笑說與太太心情開朗，準備迎接新生命，自己亦不擔心湊B問題，因為天生天養。
有份演出由王家衛《一代宗師》的張晉，完成個人戲份便陪Ada待產，問到產前準備？他說：「應該要準備嘅我哋都準備晒，（有上產前班學湊BB？）有架咩？我唔知，太太有陪月嘅，唔通我好似奶媽日日對住個B咩？小朋友天生天養唔使擔心，（你同Ada心情點呀？）當然開心啦，（陪太太坐月？）會，我都請咗假，等太太生完我都會陪佢一段時間。」提到新居有警告字句及十字架，張晉表示不清楚。