余文樂塗鴉作遭炒賣

余文樂早前跟日本品牌crossover設計了限量tee及牛仔褲，在一小時內就被掃清，頭一百個消費者免費獲贈限量環保袋，阿樂更為排頭廿名粉絲塗鴉創作留念，但近日有人將這個環保袋放上拍賣網炒賣，開出480元底價，而有阿樂親手塗鴉的，炒賣價高達680元。

目前身在內地拍戲的余文樂並不知情，阿樂經理人說：「阿樂當然唔鼓吹炒賣，因為本身個環保袋係唔使錢，而且網上拍賣嘅唔確保係真定假，如果粉絲真係支持阿樂，不如留番下次佢再有crossover嘅產品。」阿樂經理人更澄清很多人誤以為阿樂開了時裝店，其實每次都是阿樂跟喜愛的品牌合作而已。