龍殿兒Ball場新貴闖模界
曾一度成為Ball場新貴的Kee Club太子女龍殿兒（Mara），樣子甜美兼身材高挑，去年因忙於考試及到了奧地利進修，故減少現身Ball場，不過，最近回港的她蠢蠢欲動闖模界，成為模特兒公司CalCarries旗下模特兒，其官方composite card有多張造型照，其中數張更是由本地著名女攝影師兼Mara契姐戴妮廷（Eydie）為對方操刀拍攝。
Eydie表示：「輯相係我去奧地利幫Mara影，我去咗當地一個月陪佢過19歲生日，呢份當係我送畀佢嘅生日禮物。」相片以大自然為主題，富田園風味，Mara穿上deep V裙與馬匹合照，感覺隨意感性，還有穿上晚裝的黑白照，十分有mood，Eydie稱只花了一個下午時間拍攝，她笑言：「Mara喜歡簡單，化妝同頭髮都係佢自己整，我想將佢青春一刻留低。」
