徐綺雯200萬婚宴唔請亨亨飲
曾和許晉亨拍拖的徐綺雯（Candy）今年年底將下嫁澳門百億製衣業太子爺，並會假澳門舉行為期三日的婚宴。Candy明言婚後不設防，希望明年生龍BB外，更大讚夫婿有別一般公子哥兒夠踏實進取，並說不會邀請舊愛去婚宴。
將於今年年底結婚的Candy，據知其鄺姓未婚夫來頭不小，為百億製衣業家族太子爺。據知鄺生早年在英國完成工商管理碩士課程後，即接手打理家族的製衣業生意，經常要在內地工作，其家族因多年來和不少國際知名品牌包括Trussardi、Lyle&Scott等合作製衣，故每年生意額超過五億元。
除了鄺生的家族在中港澳三地人脈甚廣外，其實Candy母親也是澳門著名墓園孝思墓園的後人，由於兩個家族的親朋眾多，故是次婚宴料會邀請過千賓客，加上雙方都是澳門人，所以婚宴要假澳門連續三天舉行，估計單是婚宴已要花費超過二百萬元。
婚後全力造人
Candy接受訪問時，被問到下嫁百億太子爺，她則表現不欲多談對方的家底。「細個讀書時已經識，兩年前我去日本讀日文時撞番佢，冇幾耐就拍拖。其實我哋拍咗三個月就認定對方係終生對象，所以拍咗半年佢就求婚。因為大家都係澳門人，佢揀喺澳門嘅沙灘求婚。」自言愛小孩的Candy，表示婚後全力造人，目標是在明年生B。「睇相話屬龍好夾我哋，我又好想快啲生小朋友，所以想出年生龍B。我哋兩邊家族都有人生孖胎，所以我都好想生對孖胎，龍鳳胎就最好！（人工受孕快生B？）唔使啦！我哋兩公婆後生又健康，老公又咁掂，哈哈！」
讚未婚夫踏實
令Candy首肯下嫁，是欣賞未婚夫的踏實，她說：「佢唔會恃住屋企經濟環境穩定而好高鶩遠，反而佢做事好有計劃，踏實進取，而且凡事落手落腳，唔係一般公子哥兒咁咩都唔識、吓吓假手於人，以前啲男友，只會好叻去逗你開心，但原來實際生活上乜都唔識，分分鐘連部電腦hang咗都唔知點整。」至於會否邀請許晉亨赴婚宴，Candy說：「大家都有自己生活，佢又要忙湊仔，我唔會打擾佢。」
文：名人組