林峯落閘避亂穩守要害
林峯前日到佛山及雲浮市擔任剪綵嘉賓，紅爆內地的他被大批「峯迷」重重圍困，為避免「小峯峯」無辜受襲，林峯出入均以雙手護着重要部位，主辦單位更誇張得要落閘嚴陣以待。
前陣子受盡舊愛床照「霜害」的林峯，連日來積極收拾心情，最近他忙於拍無綫古裝劇《回到三國》，前日又專程抽一天時間到佛山及雲浮市剪綵。當日下午林峯甫抵佛山便吸引近二千名市民圍觀，期間大批市民及歌迷逼埋身，林峯即時護着「小峯峯」避免受襲，工作人員更落閘以免人群衝入店內。
剪綵後林峯即乘坐兩小時車前往雲浮市，離去時門口擠滿人群，令林峯進退兩難，被迫站在閘前呆等。當林峯到達雲浮市，剪綵未開始，珠寶店外的街道已塞滿過萬人，群眾不理大會多番勸喻，不肯散去，最後公安以安全理由勒令珠寶店取消剪綵及舞獅活動，大會惟有舉行一個閉門剪綵儀式。
小峯峯未嘗遇襲
事後，林峯被問到出手保護「小峯峯」時笑說：「唔係刻意，其實有咁多保安喺身邊我冇擔心過，雙手只係自然咁放喺前面啫！」有否被人「鹹豬手」抽水？林峯謂臉及膊頭曾被摸，但「小峯峯」卻未有試過。
文：音樂組