張家輝拒毒挺身驗證清白
對於近日有關娛樂圈涉毒的演藝人傳聞滿天飛，張家輝受訪時表示：「希望傳媒唔好喺未有證據底下渲染，搞到愈描愈黑嘞，緝毒嘅嘢應該留番畀警方做。（內地消息暗示影帝級都有分，怕被抹黑？）我成日要返內地做嘢，如果當局覺得有需要，又喺合法同合理嘅情形下，我願意作出驗證配合，總之我冇吸毒！」
而年前他與莫少聰曾一併往探訪汶川大地震災民，感覺上對方是位健康的藝人，不過由於事發經過自己不太清楚，故不便多加意見。談到娛圈濫藥情況普遍，家輝謂：「不過我認為唔應該靠藥物令自己進入虛擬世界，希望得到一時嘅快樂，快樂應該建築喺親情等之上，得閒睇吓書、電影、運動都會好開心。」