糖妹大阪搵銀無懼輻射

日本自經歷311世紀巨震後，餘震和輻射威脅籠罩全國，港星官恩娜、王梓軒、Angelababy都押後赴日工作，台星徐若瑄亦延遲推出日文碟，明顯對日本望而卻步。不過，樂壇組合糖兄妹成員Kandy前日在WOW MUSIC唱片公司老闆鄺小姐陪同下，飛抵大阪拍攝日本品牌廣告，以大無畏精神支持日本人重建家園。

寺廟祈福加重保險

前日下午，糖妹拖着行李現身機場，準備乘搭航機赴大阪，雖然大阪遠離震央和輻射範圍，但糖媽媽一聽到乖女去日本卻嚇到大叫，糖妹笑說：「媽咪嗌咗出嚟，佢好擔心，求咗張觀音符畀我，臨出門仲畀咗封利是我，叫我小心啲。」第一次去大阪的糖妹，希望可抽空到當地寺廟祈福求平安。

問糖妹會否擔心受輻射感染？她說：「乜都唔驚，要嚟就嚟，而且大阪都冇受影響，不過為安全計，唱片公司都幫我買重咗保險。（有冇自備食水食物？）冇吖，自己都要減磅，未必會食魚生、拉麵。」對於成為首批到日本開工的藝人，糖妹說：「好開心，希望令大家唔使驚去日本，當幫日本人打氣。」

細細粒的糖妹手拖拉篋赴日，成為首位到日本開工的香港藝人。

糖妹三月初曾到東京的跳蚤市場買古物。

出動濱崎步化妝師

今次糖妹赴日開工，據知唱片公司亦十分緊張，WOW MUSIC老闆鄺小姐親自陪糖妹飛大阪照顧，問之前有否要求廣告商押後行程或改地點？鄺小姐說：「冇，因為係日本品牌廣告，一定要喺日本取景。」據知，今次糖妹收６位數酬勞擔任品牌大中華區代言人，廣告拍攝起用全日本班底，更出動濱崎步的御用化妝師為糖妹打造靚樣。

文：音樂組