石詠莉班主任引入sing途
前組合Freeze成員石詠莉（Sukie）中學時代在西貢崇真天主教中學讀書，五年學校生活令她度過最開心的春青期。當時她的靚樣尚未成形，更在中二時把心一橫去箍牙，用了三年時間變靚，期間亦聽到很多難聽說話，例如「鋼牙妹」之類花名，Sukie坦言自信心都無晒！
雖然被笑「鋼牙妹」，但Sukie也嘗過情竇初開滋味，對方可說甚有「慧眼」，她說：「喺中五拍了短短一年拖，都係玩玩吓……（『鋼牙』都有人垂青？）哈哈……我當年好冇自信，都好多謝嗰個男仔。」其實，她最多謝是班主任，她說：「佢彈結他，畀咗好大信心我，幫我練歌，令我喺音樂方面開竅，之後學校但凡有歌唱表演，老師都會安排我唱，連校歌我都係主唱之一！」
Sukie的歌唱潛質從此被發掘，相對她在中學時期的成績則不算名列前茅，所以，她讀完中五後，便報讀香港大學的校外課程進修，她說：「我中學係讀理科，不過成績唔好架，可能自己唔係讀書材料啦，之後咪修港大校外課程，算係充實吓知識！」
文頌嫻 陳家樂同是崇真友
石詠莉就讀西貢崇真天主教中學，原來娛樂圈中都有歌手和藝員在「崇真」系的學校讀書，他們是英皇歌手陳家樂、藝員文頌嫻，這班校友在圈中見面，相信會分外親切。
陳家樂讀的是馬鞍山崇真天主教中學，雖不同區域，但每逢「崇真」系辦活動，同學們都踴躍參與，而早他們兩期畢業的學姐文頌嫻，在電視圈亦吃得開，近年更返內地發展。
