林欣彤恨同羅孝勇情侶合唱

「巨聲幫」林欣彤、許廷鏗、羅孝勇、何雁詩等與陳奐仁昨日在將軍澳電視城出席《超級巨聲3》招募記者會。林欣彤近兩月刻意減少工作,專心讀書準備考試,她對順利畢業相當有信心,至於唱片已經開始錄音,並計劃在暑假推出,她說:「錄音好大壓力,因為要同新監製合作,最初都擔心唔知點溝通,不過都冇乜大問題。」問到新碟會否邀請緋聞男友羅孝勇合唱﹖與對方同場的林欣彤作出「表白」,她說:「我唔介意,我都想呀,但係新碟暫時就冇合唱歌。」

陳奐仁拒做嚴師

而擔任星級導師的陳奐仁被問到會否像杜麗莎般嚴厲教學生?他說:「我會鼓勵囉,自己都係過來人,啱啱起步信心畀人打擊會好痛苦,都驚埋沒咗佢哋嘅才華。」剛奪得香港電影金像獎「最佳新演員」的陳奐仁透露得獎令母親尖叫,他說:「父母以前會擔心做音樂、演戲搵唔到食,想我做銀行、教書。攞獎之後打電話返屋企,聽到媽咪喺度尖叫,覺得今次攞獎係對自己一份肯定。」

採訪:影視組