連詩雅狂煲愛情片偷師
方大同師妹連詩雅（Shiga）首度踩入大銀幕，對角色充滿期待的她，密密聽好友的愛情故事及看愛情片來做定功課，並不介意獻上螢幕初吻。而為了拍戲及灌錄新碟有更佳狀態，她更積極跑步保持身形。
Shiga由樂壇殺入影壇，將會拍攝錢國偉新片，雖然未收到完整的劇本，但已非常期待角色，她興奮地說：「好期待第一部電影，仲好緊張，開始睇愛情電影同書吸收人哋嘅愛情觀。（去夜蒲吸收經驗？）冇去玩，反而聽多啲朋友嘅愛情故事，我喺呢方面從來都係一個聆聽者，想知道唔同人對愛情嘅睇法。」問到會否獻上螢幕初吻？她說：「未收到劇本，做電影願意獻螢幕初吻，不過唔一定要錫。」
唔搵方大同寫歌
Shiga除了投入拍攝電影外，還要分身籌備新碟，現正為新歌試音的她，要努力做運動保持弗爆身形及練氣：「有喺街度跑步，不過依家有健身室贊助，跑步練氣仲方便。」而她經常見到師兄方大同在錄音室工作至深夜，故不敢叫對方抽空為自己寫歌，她說：「想了解監製錄歌過程，幫我投入多啲。（想學師兄方大同一腳踢唱歌兼監製？）大同真係好忙，半夜4、5點仲喺錄音室，第二朝11點就返到公司開會，好想佢幫我寫歌，但佢咁忙唔敢叫。」
採訪：專案組 攝影：林楠
場地：Fitness First Platinum
服裝：adidas
髮型：POP Salon