陳嘉寶做星探花多眼亂
有「邦民女」之稱的陳嘉寶（Anjaylia）最近升呢做大師姐，日前還親自去挑選師妹，她還自爆有鋪星探癮，行街最愛瞄仔瞄女，發掘接班人！
o靚模陳嘉寶（Anjaylia）日前到校園為其模特兒公司舉辦的模特兒比賽擔任評判，挑選新血，名模何紫綸（Ann）亦是座上客，還即席傳授行天橋秘訣。
首次擔任比賽評判的Anjaylia自言心情十分興奮，但看到一眾年輕模特兒的表現，揀師妹顯得有點頭痛，她說︰「今次係第一次去揀師弟師妹，覺得好好玩，自己有好多個模特兒都好鍾意，真係好難揀。」問會否過兩招給一班師弟師妹？她謙虛地說︰「唔使教啦，佢哋行出嚟好有自信，應該係佢哋教番我。」
熱愛模特兒工作
Anjaylia希望再有機會挑選師妹，更坦言愛上做星探，她說︰「我好鍾意留意有潛質嘅年輕人，平時同公司同事行街都會係咁瞄仔瞄女，睇中咗會叫同事拎卡片畀佢哋。」她還自爆行街時曾被人吸引，於是問同事拿卡片親自衝過去，邀請對方到其公司試鏡。問到會否日後轉行做星探？她笑說︰「有機會都好喎，不過唔會淨係做星探，自己都好鍾意做模特兒工作。」
文︰專案組
攝︰秦健輝