基仔聞娶妻口窒走音

基仔昨日由北京返港，即以嘉賓身份出席「港島‧東18」正式開售的發布會，他透露已經用八位數字率先購入其中兩個單位送畀家人，他說：「媽咪鍾意海景，所以我揀高層啲，可以睇到海景，係最大同埋第二大嘅單位，希望屋企人可以住得舒服啲，（投資咗幾錢？）八位數字啦，咁公司有畀少少電視框（discount）我嘅！」根據現場售樓處的價目表，基仔購入的兩個單位合共超過四千萬港幣，出手認真闊綽！

手上共五個物業

基仔坦言一向不太識得投資，認為買樓是最踏實的投資，現時手頭上有五個物業，分別供父母及細佬自住，問到會否趁機成家立室？基仔即時口窒兼走音，他說：「有物業同埋成家係兩件事，我未成家，成咗一定唔會否認，（結婚後物業加埋老婆名？）冇問題吖，佢嘅錢都係我嘅錢，大家都冇分架啦！」

忙宣傳新國語碟

問基仔是否委任緋聞女助手Lorraine擔任財政大臣？他表示：「管財政就梗係交畀會計啦，佢（Lorraine）係掌櫃，佢都真係幫輕咗我好多，（幾時升做老闆娘？）升職呢樣嘢要再諗，（有共識未？）未有！」另外，剛剛推出國語大碟《大時代》，基仔坦言會經常飛來飛去，到內地不同城市宣傳。