黃秋生：呢班人將被淘汰

「中國廣播電視協會電視劇導演工作委員會」秘書長閻建剛日前對外表示，協會正草擬一份名單，主要針對「拿了高片酬，但沒有履行合約義務；不守時；不尊重對手；為客串其他影視製作影響正常拍攝；無理索取高片酬；擅改劇本；辱罵導演；動輒以『罷演』作要脅」的演員。

雖然名單不對外公開，只供導演內部傳閱，但據悉內地多位一線藝人亦榜上有名。閻建剛昨日則就名單作出澄清，指協會只會推出自律維護機制，而不是訂立演員黑名單。

醉住拍戲

香港藝人黃秋生坦言，有內地演員道德質素良莠不齊，他說：「點只唔守時？有啲飲醉至嚟開工添，行業發展太快，好多冇操守嘅又話係演員，雖然市場會自然淘汰呢班人，但有人肯正視問題都係好事。其實行業入面太多人冇責任感，不論演員、導演、幕後，咁樣大家唔會進步。」

靚車接載

導演馬楚成則說：「我慶幸未遇過要求多多嘅演員，但聽過有演員改劇本、揀對手，有啲喺荒山野嶺拍戲，要劇組每日提供100隻雞蛋，都唔知要嚟做乜！又有三、四線藝人要求靚車載出市區，載過麵包嘅都唔肯坐。」

此外，秋生對藝人孫興涉毒案表示：「奉勸所有行家，老嘅嫩嘅，唔好再搞！有人叫你食即係害你咋，見到有人食即刻掉頭走啦！（應酬好難推？）可能我人悶，都冇人搵我去應酬。」

文：影視組