林熹瞳淪為軍妓報復老竇
舞台劇演員林熹瞳與李潤祺將挑戰極限，上演一場意識極大膽的舞台劇，二人雖然飾演父女，卻不乏親熱戲份，「亂倫」意味甚濃。而劇中出現的逾300磅「肥婆」亦發放不少笑彈，紓緩劇中的「高氣壓」。
林熹瞳（Rachel）與李潤祺於即將上演的舞台劇《大東亞異人娼館》飾演父女，當中的戲碼卻不是父慈女孝，而是極盡張力及踩界的「畸形關係」。
諷刺社會
Rachel笑言：「其實我個角色係好似川島芳子咁，細細個就畀老竇賣去做軍妓，所以我要返嚟報復！」二人透露於劇中有感情瓜葛，更會互相「強姦」，對此阿祺笑言：「其實我哋演到好似好亂倫、變態咁，但其實係合乎情理o架喎，依家有好多報道都係講呢啲。」
突破底線
是次舞台劇不乏性愛及血腥場面，Rachel表示已突破了自己底線：「初初都有掙扎過，但我信任導演同埋對手，所以我可以安心演出。」她又透露曾試過於排戲時一度抽離不到角色導致崩潰大哭，阿祺亦替她感到心痛：「現實中Rachel係一個好樂觀同簡單嘅女仔，所以演出呢個角色會有難度。我都要以一個好瘋狂嘅狀態去演繹，對我嚟講亦係一個大挑戰！」
除此之外，阿祺又會與一個體重逾300磅的「肥婆」有床戲，用來紓緩劇中緊張氣氛。
文：冰奇