官恩娜化身售貨員任影唔嬲
官恩娜（Ella）參與電台節目《有冇搞錯》新環節《我都做得到》，為經常被指未夠上進的「80後」大平反。Ella化身格仔舖售貨員，與主持彭詠儀（Morle）訂下一小時內賺取七百元營業額。Morle說：「Ella可能工作太忙少行街，一去到就掛住睇嘢，幾乎想買晒成間舖啲精品返屋企。」
面對Morle「指控」，Ella即哈哈大笑說：「我係扮睇嘢咋！因為自己行街嗰陣都唔會想個售貨員係咁跟住啦，咁樣先可以令佢哋覺得放鬆啲。」可惜時間一分一秒流逝，她們惟有諗計自製傳單，又出絕招「凡惠顧者可與Ella拍照留念」。雖然最終只得六百多元營業額，但亦獲老闆大讚。Ella說：「老闆話我哋已經好成功，因為我哋冇放棄，仲自己諗咗好多方法去做。其實好多時做一件事，過程先係最重要，只要唔放棄，全力以赴一定做到最好。」