鄧穎芝爆同張震嶽住埋

鄧穎芝（Vangie）的新專輯已籌備年半時間，暫定六月推出。她指今次是慢工出細貨，希望能吸引大家認真欣賞。Vangie說：「今次隻碟嘅構思會比以前成熟，會多番啲輕快嘅歌，仲會玩吓形象。」Vangie自知身材沒甚睇頭，故堅拒性感上陣。她表示：「講真，我着到好性感都冇人想睇啦！我咁男仔頭，喺《變臉》MV裏面嘅自己已經好性感喇！」

做對方導遊

新碟還有兩、三首便錄製完成，其中一首更邀得好友張震嶽操刀。Vangie透露跟張震嶽的認識是由葛民輝撮合：「○五年我喺葛民輝拉攏下，去台灣擔任阿嶽嘅音樂特輯嘉賓。喺節目裏面我哋成班人一齊踩單車，仲一齊住咗成個禮拜。」由於朝見口晚見面，性格開朗又活潑的Vangie很快便與張震嶽成為好友，之後二人無論去台灣或來香港，雙方均會擔任對方的當地導遊。

好耐冇拍拖

適逢今次自資出碟要找不同的音樂人合作，Vangie鼓起勇氣邀請張震嶽為自己寫詞，沒料到對方一口答應，令Vangie歡喜若狂。她說：「首歌係講一個女仔超級想見一個男仔，但又冇錢買機票去見對方。成首歌好輕快又寫到好sweet，我自己好鍾意。」問到是否憑歌寄意？她說：「唔係啦，好耐冇拍拖喇，等我做好隻碟先諗拍拖。」