陳智燊貪有型挑戰漫畫英雄

外國回流的「ABC」陳智燊（Jason）說得一口流利英語，甫回港就被明珠台招攬旗下，由06年開始為《港生活‧港享受》擔任主持，令其健康形象深入民心，他說：「個節目做咗五季，有佢嘅成功之處，畀觀眾認識到我，幫我建立咗個大家都鍾意嘅形象。」

向來恨拍劇的他近年逐步得償所願，由客串電視劇小角色，到現時躍升為處境劇《誰家灶頭無煙火》男主角，為了演好「天才小廚師」的角色，拍劇前他不停鍛煉廚藝，日日在家打蛋整蛋白，現時爐火純青到連蛋糕都識整！

喜獲前輩指點

而同劇的幾位前輩包括岳華、田蕊妮及歐錦棠亦樂於指點，令Jason演技進步了不少，他謂：「睇番自己拍嗰頭五集真係有啲唔自然，唔係好投入，睇完自己都打冷震。」

他直言希望將來獲其他監製賞識，再接演一些「型仔」角色：「我想演啲好典型、好有型、好男性化嘅角色，例如漫畫英雄！有機會演奸角都唔錯，因為奸角可以有好好發揮。」