阿B勸前妻十幾年要放低

早前范姜與章小蕙胞妹章小婉發生擲電話的糾紛，阿B全家包括B女均力撐范姜，力證一家人感情要好，以行動闢謠。原以為事件已告一段落，怎料章小蕙日前突然到警署報稱B女被襲擊。昨日記者在阿B家門外等候，阿B於中午十二時四十分出門，並由工人為他把行李搬上車，問到他有關章小蕙報警一事，他說：「我有睇報紙。（章小蕙話B女被襲擊，佢有社工供詞？）大家有眼睇，細路仔有事自己會講，嗰個唔係兒童，我個女十六歲喇！」

微博謝范姜

阿B表示章小蕙以及警方都沒有聯絡他，至於前妻可有找過B女，阿B說：「冇，我覺得已經十幾年，應該要放低，唔好再迷戀，我依家成家都好開心，我希望佢早日搵個好歸宿，大家都Happy。」阿B又在微博多謝女友范姜多年來為他照顧B女，令他非常感恩。而譚詠麟對於好兄弟阿B在微博出言撐范姜，也回應阿B留言：「冇錯，我們做朋友的是有眼見的！」

阿B稱女兒已大個女，有乜事會出聲。

B女鍾嘉晴表示警方未有聯絡她。

發炮斥母親

而B女就於下午四時放學回家，她表示知道母親報警的事，她說：「我冇畀人襲擊，好嬲。（媽咪有冇搵你？）冇。（你有冇搵佢？）冇。（點解佢要咁做？）唔知，可能搞新聞啩。（警方有冇搵你？）冇。（話有社工同工人嘅供詞？）我唔知道。（學校有冇搵過你？）今日社工搵過我，媽咪畀咗啲資料佢哋。（會唔會主動聯絡媽咪？）唔會。（有冇嘢想同佢講？）冇。」

范姜外出返歸，未有對事件作出回應。

阿Ｂ於微博張貼跟范姜親密合照，並表示感謝對方多年來為他照顧Ｂ女。

此外，B女晚上在facebook繼續發炮斥責母親：「我唔介意佢拋低我而自己走咗去美國，但係點解要咁做？佢係咪以為呢啲咁嘅嘢，令我覺得佢好衰？我知道佢想引起人注意，但唔該唔好再做埋呢啲嘢！我哋好愛大家，冇人可以拆散我嘅家庭，我唔係自閉亦都唔係5歲細路，我有自已嘅想法會發聲。我已經唔係佢上次見到嘅9歲細路，我真係唔明點解佢要咁做！」而章小蕙於昨晚十時半，突然現身機場匆匆離港，對於記者提問更充耳不聞。

文：名人組、攝：追蹤組