江若琳做紅娘撮合粉絲
江若琳（Elanne）昨日與一班打扮成動物的小朋友出席復活節活動，之後便飛往新加坡及檳城拍戲，她將與阿牛合作新戲《結婚那件事》，傳聞更會有床上戲，問到可會飛抵當地便立刻拍攝該幕床戲？她說：「吓？要開會先知喎，應該係試咗造型先。（嗰度好多嘢食喎！）係呀，我都好擔心自己會肥，每次去完嗰度返嚟都會肥，導演都話我要食咩就買畀我，所以我都帶咗好多衫去做gym keep fit。」
自爆恨拍拖
屬基督徒的Elanne今年未能如過往一樣與教友共度復活節，她更稱過往曾有教友以復活蛋藏戒指向女友求婚，令Elanne印象十分深刻，她亦不諱言渴望結婚：「依家好多圈中人都公開拍拖，好戥佢哋開心。（你拍拖都會公開？）想呀。（唔怕男fans呷醋？）佢哋每日都喺我微博叫我搵番個男朋友，又話我今次拍戲終於有人娶，其實只要我幸福佢哋就會開心。」她又透露自己歌迷會有時都會撮合一對對情侶，笑言自己是奶奶。
文：影視組