黎諾懿谷男人味 攝位坐正

黎諾懿與香港先生許家傑最近代表無綫到長沙參加《舞動奇迹3》，他自爆完全不懂跳舞，但仍膽粗粗迎戰，他解釋：「我淨係識家燕姐最拿手嘅十字步，但唔擔心，去到會有專人教跳舞，努力練習就得。」

望事業攀高峰

近來無綫多位小生、花旦傳離巢，剛啱踏入三十歲的諾懿直言急起「攝位」，希望自己愈老愈有男人味，趁機在事業攀上高峰，他說：「邊個唔想擔正吖？位置愈高先有機會選擇更好角色，但男演員要有一定年資先有男人味，唔係個個林峯咁靚仔，我啱啱30歲，希望將來可以似陳豪一樣咁成功。」

否認戀陳庭欣

談到感情生活，諾懿透露與圈外女友分手一段時間，對最近傳他與應屆港姐冠軍陳庭欣拍拖到赤柱食雪糕，他笑言自己非浪漫之人，去赤柱食飯只屬好平常事，他說：「我同伊健、阿Yo（蒙嘉慧）都成日去赤柱食飯，貪佢少人，藝人去最啱，加上食物又唔太貴。」他表示與陳庭欣是普通朋友，但不會扼殺雙方的發展機會，他說：「我唔知人哋有冇男友，你哋問番佢啦，如果我真係拍拖唔需要講大話，但依家真係唔係。」

文：專案組