Alice B.自製恤創意無限

「第四代Canon甜心」Alice B.經常在天橋上搖曳生姿，展示各大名師的作品，她笑言自小已是一名「小小設計師」，喜歡在媽咪的舊衫上「動手腳」，改給自己穿：「我車嘢唔叻，但揸針線就幾唔錯！最鍾意係將裙同牛仔褲加工，着出街夠晒特別！」

畫作有一手

擁有一雙巧手的Alice亦愛DIY小首飾，在倫敦居住時已不時炮製「Alice牌」耳環，問到會否送給朋友當禮物時，她笑說：「依家我多數送畫作畀朋友，之前都會整飾物，但太花時間啦！」

Alice動手DIY T恤，揸起針線有板有眼。

Alice剪幾剪再加幾針， T恤已見雛形。

Alice又自爆小時與妹妹在家行花生騷做o靚模：「大概五歲嗰時，我哋好鍾意將超市膠袋剪剪貼貼着上身行騷，都幾勁o架！」她表示將來若有機會創作時裝品牌，會設計沉色、充滿潮味獨特風格的Cocktail Dress。

有進步空間

日前Alice就一展身手，將香港賽馬會為春季兩場國際一級賽事推出的「Racing Heroes－Techno Series」T恤DIY，非常認真的她先坐低畫圖，只見她大刀幾剪再加幾針，再加上喱士、Bling Bling片、彩色毛毛及銀線，就成為風格獨特的作品。穿上自己作品的Alice說：「好得意，作品都OK啦，但有進步空間。」

文：專案組　攝：黃叔榮