徐靖雯唔搞地下情

曾與鄭嘉穎傳緋聞的模特兒徐靖雯昨日穿上宮廷式low cut晚裝，與一身公主look打扮的第三代Canon甜心Melanie Z.，同在apm舉行的「Let's Celebrate皇室世紀婚禮」活動擔任嘉賓。

裙子胸口位太鬆

Jenny所穿的裙子胸口位置明顯被勒緊了，但仍有滑落迹象，她不時用手遮掩以防走光，她說：「條裙太大，我已經喺背面扣咗好多扣針，扣緊啲，好驚啲扣針會鬆開拮到我。（會唔會呼吸困難？）唔會，條裙太大會跌落嚟。」

放大圖片	Melanie Z.手持紀念品恭賀英國皇室的世紀婚禮。

Jenny自言一身打扮很有結婚feel，她對結婚也有憧憬，單身的她說若遇上一段真正感情，不介意公開：「但都要睇男方意願，我就想得到大家嘅祝福。如果唔公開等到結婚先講，呢條路好難行。（搵圈外男朋友？）要睇人。（你遇過咁嘅經歷？）有啲人由一拍拖就唔想公開，不過呢個想法太自我。（對另一半唔公平？）覺得呢條路好難走落去，好難走到去結婚。（係咪因為咁同鄭嘉穎分開？）唔係，我哋只係朋友，大家唔好聯想到佢。」

被喻為英國準王妃凱瑟琳孖生姊妹的Kate Bevan（中）現場教授皇室禮儀。

新地代理有限公司租務總經理馮秀炎（中）與徐靖雯（右）及Melanie Z.同為活動擔任嘉賓。

Melanie承認同居

而Melanie就透露最近和男友聯名買了物業共賦同居，但未有計劃何時結婚，可能兩年後，她笑言：「佢未向我求婚，我等緊佢。」又說生BB則要幾年後。婚後Melanie會繼續工作，但應不會再當模特兒，若當了媽咪之後就會以湊BB為先。

文：名人組