段偉倫排隊約成龍食飯
成龍前助手段偉倫昨出席新斗記銅鑼灣分店開幕，談到近況，他透露現正職賣車，卻未忘電影夢，稍後八、九月會監製法國資金的動作電影，男主角鎖定任達華，還打算碌人情卡找兄弟盧惠光幫手。
說到成龍前經理人陳自強獲頒電影金像獎的專業精神獎，阿段也戥他高興：「喺電視上見到陳自強手震又緊張，衷心講句，可以畀佢講多啲囉！（你唔去係唔想見到成龍？）冇咁嘅事，我開緊會啫，會再約大佬食飯，不過冇咁快排到我。（同成龍冇聯絡？）係！佢電話都改咗，邊似我哋用同一個號碼幾十年，天下無不散之筵席，跟咗咁耐，係時候闖一闖啦。」