湯盈盈有計劃閃婚no way

湯盈盈與范振鋒前晚出席「博愛醫院」就職典禮舉行的晚宴，穿上露背裝的盈盈表示：「我做咗醫院嘅『博愛之星』，新主席係我堂阿哥（湯修齊）。」近日娛圈流行閃電結婚，問盈盈會否心血來潮效法？她說：「唔得，結婚唔只係兩個人嘅事，仲係兩個家庭嘅事，一定要有計劃，絕對唔會閃電。」

同場的范振鋒早前在微博公開戀事，獲很多圈中好友祝福。他承認女友李思欣是結婚對象，但就不會閃婚。另外，衍生行老闆彭氏夫婦最近發展經理人公司，簽了幾位新人，范振鋒會為新人做唱片監製。