羽翹鬧市拍ＭＶ被當傻妹
羽翹早前為新歌《銅情深》拍攝MV，昨日現身電台接受訪問透露當日趣事，她說：「配合番歌詞去咗銅鑼灣20個地方，一朝早就開始拍，正午時分咁啱就去到炮台，拍完所有人都曬燶晒。」另一鏡頭羽翹需要在天橋上拍攝，由於攝影機距離更遠，而且她穿上誇張白裙，竟被途人當景點，她笑說：「我要唔郁，有人走埋嚟影相，有啲就踏住我條裙，仲畀個嬸嬸話：『嗰條女係咪傻o架？』都有啲尷尬。」
羽翹正積極為下月個人音樂會練琴，但她經常因工作晚歸，未被鄰居投訴擾人清夢前已令老竇發脾氣，她說：「就嚟畀人投訴，老竇嗰日仲話：『你依家係咪要我拉你入青山！』」