娜姐搶Lena飯碗

日本核危機似乎未有影響周秀娜攻日野心，她近年除了北移神州大地發展外，亦雙管齊下攻入東瀛。雖然日本大地震為周秀娜攻日增添變數，但原來娜姐早已成竹在「胸」，有大把籌碼在手的她更揮低日本潮模藤井莉娜（Lena），「坐正」成為內衣品牌代言人。

查實娜姐去年已為日本內衣品牌Embuche拍攝內衣硬照，不過她當時只是配角，Lena才是真正主角。事隔一年，此娜已非彼娜，娜姐的32D咪咪實在太過震撼，該品牌決定今季棄用藤井莉娜，由娜姐獨自孭飛拍攝今季封面。

在新一輯內衣硬照中，一頭齊蔭加上噴血雙峰，娜姐的性感女神形象更加突出。對於酬金，娜姐表示相當滿意，透露高達七位數字港元，問她是否成功取代藤井莉娜，擔正做代言人？她受寵若驚說：「今次再有機會幫品牌影相好開心，證明自己嘅實力，對啲相出嚟嘅效果都好滿意，之後可能會再合作，公司都有同日本傾緊！」

賣口乖：日日都着

除了夠搏，娜姐又識得賣口乖，透露品牌送了多款內衣給她：「我好鍾意呢個系列嘅內衣，又靚又性感，我日日都有着！」問娜姐何時再赴日工作？她說：「我唔擔心安全問題，如果檔期就得到，嗰面有工作都會去，自己都OK嘅！」據知，娜姐的檔期已排到十月，現正洽談為時裝雜誌拍攝的工作。

文：專案組