張學友腳仔軟跣低

學友合共二十場的紅館演唱會前晚完成第一部分，將會休息兩日後陸續完成餘下十五場，他早前呼籲業界好友以捐米代替花籃，獲得大家一呼百應，其中包括陳慧琳、容祖兒、謝霆鋒夫婦等，共籌得七千多公斤白米作慈善用途，學友完騷後換上一身運動裝公開答謝大家，他一出場掛住揮手不慎跣腳坐落布景的米袋上，幸無發生意外，笑嘲自己做完騷腳軟：「呢兩日放假會好好休息，養好把聲，等個人精神啲再繼續其他場。」

女兒愛心捐米

學友表示兩個女都有份捐米，更到場睇騷支持爸爸，他說：「個女睇完上海站之後，仲問我點解畀舒淇打！」學友坦言做一字馬的高難度動作要每日拉筋，最初遇正嚴寒，不慎拉傷左腳，至今仍未康復：「本來係用左腳落先，依家仲未好番晒，就轉右腳落！」

一不留神跣腳坐落米袋上面，學友忍不住大笑。

學友跟（右起）劉偉強、陳淑芬及DJ雲妮切蛋糕慶祝。

入圍當贏影帝

對於失落金像獎影帝殊榮，學友說：「我無諗過會有份競逐，就算入咗圍我都冇諗過有機會，其實入圍已經好意外，我當攞咗o架喇，恭喜霆鋒同嘉玲。（戥同戲的湯唯唔抵？）唔會，我覺得佢哋個個都旗鼓相當，戥晒其餘四個唔抵！（霆鋒贏晒你哋班前輩？）咁咪代表學無前後囉，做戲要畀心機先得，我自問唔夠畀心機，冇獎係應該！」

採訪：音樂組