張敬軒昨日為新專輯《P.S. I Love You》到電台宣傳，他透露稍後為亞視的新音樂節目擔任頭炮嘉賓。對於陳奕迅日前拍攝亞視節目未能挽救收視，軒仔說：「老實講，電視台係有慣性收視，我哋唔可以因為咁而唔做，係公平競爭，我唔會用呢個心態。（指挽救收視？）係歌手同電視台互相宣傳，亞視係可以去到珠三角同湖南，睇吓你要啲咩。」
軒仔承認因版稅風波對媒體態度有變：「依家上啲電視台節目真係質素高咗，仲會提前兩、三個禮拜通知歌手要準備啲咩，冇以前咁倉卒。（無綫粗製濫造？）可能多藝人，依家分散咗兩邊歌手，做歌手最開心係可以唱到成首歌。」
