吳啟華撐阿聰 斥不公
50歲的莫少聰因涉吸毒在北京被捕，至今已被拘留6天，被捕過程的短片更被公諸於世，引來不少爭議震驚娛樂圈，其圈中好友認為未定罪已被廣泛報道的處理手法不公，吳啟華更不認同此做法，不過，阿聰的經理人公司老闆張國忠則公私分明說：「冇壞！係一個警惕。」
近年主力在內地發展的莫少聰於上周五在北京因涉吸毒被捕，目前仍被拘留在朝陽看守所，但前日他在內地被捕及盤問過程在電視台節目中播出，片中他承認因應酬而吸了兩大啖人家送上的大麻煙，只見他黑眼圈極深頗為憔悴，可見事件對他打擊甚大！而內地將拘捕過程曝光的做法亦引來不少爭議。
洪欣：個仔冇睇片段
吳啟華對此做法表示不認同，並替阿聰不值：「我知佢啲朋友搵咗人幫佢，希望可早啲出嚟！尋日睇到嗰條片感覺唔係咁好，香港同內地處理呢啲事上面真係好唔同，睇到都驚驚哋，唔好行差踏錯！」至於阿聰舊愛洪欣得悉事件後，只表示其現任老公及兒子尚未知道詳情：「我個仔應該冇睇過段片。」而陳雅倫更留言稱：「我很心痛！」
張國忠：小禍作警惕
不過，阿聰經理人公司藝能老闆張國忠卻認為被捕短片曝光並非壞事，因可當是一個警惕：「冇壞！呢個係一個警惕，小禍是福！」他表示已託內地朋友探望阿聰，指其精神和身體狀況不錯，問到會否提供協助？他說：「目前冇嘢做到，等佢出嚟先，如果被起訴先搵律師。」他表示待阿聰獲釋後將安排他返港，至於他有份演出的新劇是否換人則交由同事處理。據知阿聰在北京一直掘金順利，旗下物業包括兩個約300多萬元人民幣的單位，當中「出事」單位佔地約1,300平方呎，是他跟女友同居的愛巢。
文：影視組