諸葛梓岐與法拉突然老友

諸葛梓岐（Marie）昨日以Cosplay獵人造型出席於海港城舉行的「PSP芒亨獵人祭」活動，與有「翻版陳法拉」之稱的o靚模李思汝（Afa）及陳靜師妹梁筠兒一起玩遊戲，就連Marie也讚Afa似法拉及「幾靚女」。近日有傳法拉因不肯生B而令「奶奶」不滿且被打入冷宮，結果將入門的Marie變得寵，Marie昨日否認爭寵之說：「無呢樣嘢，無爭寵，大家相處得好開心，有時都會一齊食飯。（話佢食飯成日甩底？）佢工作好忙，我都明白，好支持佢。（你哋friend咗？）不嬲都無嘢。」她又謂未來奶奶很錫她和法拉，對兩人一樣好。再問她家庭與事業哪樣較重要？她說：「我好珍惜每個工作機會，有嘢就做嘢，至於生BB就順其自然，我諗過多三、四年先，結婚後家庭會放第一位。」